sunaa hai log use aa.Nkh bhar ke dekhate hai.n so us ke shahar me.n kuchh din Thahar ke dekhate hai.n

sunaa hai log use aa.Nkh bhar ke dekhate hai.n 
so us ke shahar me.n kuchh din Thahar ke dekhate hai.n 

sunaa hai rabt hai us ko Kharaab haalo.n se 
so apane aap ko barbaad karake dekhate hai.n 

[rabt=closeness/relation] 

sunaa hai dard kii gaahak hai chashm-e-naazuk us kii 
so ham bhii us kii galii se guzar kar dekhate hai.n 

[gaahak=customer] 

sunaa hai us ko bhii hai sher-o-shaayarii se shagaf 
so ham bhii mojaze apane hunar ke dekhate hai.n 

[shagaf=passion] 

sunaa hai bole to baato.n se phuul jha.Date hai.n 
ye baat hai to chalo baat kar ke dekhate hai.n 

sunaa hai raat use chaa.Nd takataa rahataa hai 
sitaare baam-e-falak se utar kar dekhate hai.n 

sunaa hai hashr hai.n us kii Gazaal sii aa.Nkhe.n 
sunaa hai us ko hiran dasht bhar ke dekhate hai.n 

sunaa hai din ko use titaliyaa.N sataatii hai.n 
sunaa hai raat ko jugnuu Thahar ke dekhate hai.n 

sunaa hai raat se ba.Dh kar hai.n kaakule.n us kii 
sunaa hai shaam ko saaye guzar ke dekhate hai.n 

sunaa hai us kii siyaah chashmagii qayaamat hai 
so us ko surmaafarosh aa.Nkh bhar ke dekhate hai.n 

sunaa hai us ke labo.n se gulaab jalate hai.n 
so ham bahaar par ilzaam dhar ke dekhate hai.n 

sunaa hai aa_iinaa tamasaal hai jabii.n us kaa 
jo saadaa dil hai.n ban sa.Nvar ke dekhate hai.n 

sunaa hai jab se hamaa_il hai.n us kii gardan me.n 
mizaaj aur hii laal-o-gauhar ke dekhate hai.n 

[hamaail=something to wear around the neck] 

sunaa hai chashm-e-tasavvur se dasht-e-imkaan me.n 
palang zaave us kii kamar ke dekhate hai.n 

[zaave=angles] 

sunaa hai us ke badan ke taraash aise hai.n 
ke phuul apanii qabaaye.N katar ke dekhate hai.n 

vo sarv-qad hai magar be-gul-e-muraad nahii.n 
ke us shajar pe shaguufe samar ke dekhate hai.n 

[sarv-qad=tall and graceful; shaguufe=bud; samar=fruit] 

bas ek nigaah se luTataa hai qaafilaa dil kaa 
so rah_ravaan-e-tamannaa bhii Dar ke dekhate hai.n 

[rah_ravaa.N=travellers] 

sunaa hai us ke shabistaan se muttasil hai bahisht 
makiin udhar ke bhii jalve idhar ke dekhate hai.n 

[shabistan=bedroom; muttasil=near; makiin=tenant] 

ruke to gardishe.n us kaa tavaaf karatii hai.n 
chale to us ko zamaane Thahar ke dekhate hai.n 

kise nasiib ke be-pairahan use dekhe 
kabhii kabhii dar-o-diivaar ghar ke dekhate hai.n 

[be-pairahan=without clothes] 

kahaaniyaa.N hii.n sahii sab mubaalaGe hii sahii 
agar vo Khvaab hai taabiir kar ke dekhate hai.n 

[mubaalaGe=beyond one's limits] 

ab us ke shahar me.n Thahare.n ki kuuch kar jaaye.N 
'Faraz' aao sitaare safar ke dekhate hai.n 

sunaa hai log use aa.Nkh bhar ke dekhate hai.n 
so us ke shahar me.n kuchh din Thahar ke dekhate hai.n 

juz tere ko_ii bhii din raat na jaane mere tuu kahaa.N hai magar ai dost puraane mere

juz tere ko_ii bhii din raat na jaane mere 
tuu kahaa.N hai magar ai dost puraane mere 

[juz=except] 

tuu bhii Khushbuu hai magar meraa tajassus bekaar 
barq-e-aavaaraa kii maanind Thikhaane mere 

shamaa ki lau thii ke vo tuu thaa magar hijr kii raat 
der tak rotaa rahaa ko_ii sirhaane mere 

[sirhaane=bed-side] 

Khalq kii beKhabarii hai ke merii rusavaa_ii 
log mujh ko hii sunaate hai.n fasaane mere 

luT ke bhii Khush huu.N ke ashko.n se bharaa hai daaman 
dekh Gaarat_gare dil ye bhii Khazaane mere 

aaj ik aur baras biit gayaa us ke baGair 
jis ke hote hue hote the zamaane mere 

kaash tuu bhii merii aavaaz sunataa ho 
phir pukaare hai tujhe dil kii sadaa ne mere 

kaash tuu bhii kabhii aajaaye masiihaa_ii ko 
log aate hai.n bahut dil ko dukhaane mere 

kaash auro.n kii tarah mai.n bhii kah sakataa 
baat sun lii hai merii aaj Khudaa ne mere 

tuu hai kis haal me.n ai zuud_faraamosh mere 
mujh ko to chhiin liyaa ahad-e-vafaa ne mere 

chaaraagar yuu.N to bahut hai.n magar ai jaan-e-'Faraz' 
juz tere aur ko_ii Gam na jaane mere 

juz tere ko_ii bhii din raat na jaane mere 
tuu kahaa.N hai magar ai dost puraane mere 

Yeh Meri Zaat Ki Sab Se Bari Tamanna Thi, Kaash! Ke Woh Mera Hota, Mere Naam Ki Tarhan

Yeh Meri Zaat Ki Sab Se Bari Tamanna Thi,

Kaash! Ke Woh Mera Hota, Mere Naam Ki Tarhan...

Badla Yun Rang Us Na K Hairat Hui Muje M0sam Ko B Maat Day Gi Fitrat Janb Ki

Badla Yun Rang Us Na K Hairat Hui Muje

M0sam Ko B Maat Day Gi Fitrat Janb Ki

Tanhaa sard shamun main yahi ha mashgala apna'

Tanhaa sard shamun main yahi ha mashgala apna'

Laga kr taik takiye say osay bus sochty rhnaa'

ab teri aankh main aansu kis liye pagal? jab chor hi diya tha to bhula bhi diya hota....

ab teri aankh main aansu kis liye pagal?

jab chor hi diya tha to bhula bhi diya hota....

Tumhari ankh ka aansu, Hamari ankh se niklaa...

Tumhari ankh ka aansu,
Hamari ankh se niklaa,

Shikayat ab bhi hai tumko,
Mohabbat hum nahin kartey..

Tumhain Aakhir Palat Kar Phir Mere Hi Pass Ana Hai

Tumhain Aakhir Palat Kar Phir Mere Hi Pass Ana Hai
K Lehrain Ja Kar Sahal Tak Smandar Mai Hi Aati Hain

Rail ki seetti mein kese hijr ki tamheed thi, Us ko rukhsat karke ghar lotay to andaaza hua..

Rail ki seetti mein kese hijr ki tamheed thi,

Us ko rukhsat karke ghar lotay to andaaza hua..

Me Apni Zaat K Sehra Mein Reh Geya Tanha Phir Us K Baad Mujhe Shayari Ka Shauq Hua

Me Apni Zaat K Sehra Mein Reh Geya Tanha

Phir Us K Baad Mujhe Shayari Ka Shauq Hua

Mujhy "Hasna" Nhi Aata Jahan Per "TUM" Nahi Hote........

Wahan Na Phool Khilte Hain Na Hi Mosam Badalte Hain
Wahan To Kuch Nahi Hota Jahan Par TUM Nahi Hote

Yahan Wese To Her Sogaat Aasani Se Milti Hay
Pr Mera Dil Nhi Lagta Jahan Par TUM Nahi Hote

Yahan To Luog Sadiyon Ko B Lamhon Me Badalte Hain
Mera Ik Pal Nahi Kat'ta Jahan Par TUM Nahi Hote

Sabab Toney Ka WO Pochain To Qasiden Itna Keh Dena
Mujhy "Hasna" Nhi Aata Jahan Per "TUM" Nahi Hote........

tum mere baaki sab tumhare...

chalo aao kaayinaat baant lete hain hum,

tum mere baaki sab tumhare...!!!!

mar gaya kab ka tera naaz uthane wala

Hosla chor gaya tha sath nibhane wala

jane kis simat gaya ajj wo jane wala

ajj phir ankh main hain hazarun ansoo

ajj phir wo yad aya bhulane wala

ab kahien ja k mere zakham bhare han

daikhu ab kahien lout k a jae na jane wala

Ay "KHUDA"

us ka har khuab salamat rakhna

ghum na daikhe wo mera khuab jalane wala

ab kahien rah main mil jae to itna khena

mar gaya kab ka tera naaz uthane wala

Chand Bhi Apse Jalta Hoga

Chand Bhi Apse Jalta Hoga,

Jab khabhi app ki hansi ko dekta hoga,

Kitni Pyari jheel Si Ankhen Hain App Ki,

Badnaseeb hai wo katra-e-Ansu,

Jo En Pyari Aankhon Se Girta Hoga...!!!!

talash Kar Meri Kami ko Apne Dil Mein Faraz,

talash Kar Meri Kami ko Apne Dil Mein Faraz,

Dard H0 T0 Samjh Lena k Muhabbat Ab Bhi Baki Hai

Guzar hi jaye gi tere bagair bhi lekin

Guzar hi jaye gi tere bagair bhi lekin

buhat udas buhat be qarar guzry gi…….!

Tu wo zaalim hai

Tu wo zaalim hai Jo Dil mn reh kr b mera na ban Saka “Ghalib”
Aur Dil wo kafir Jo mujh mn reh kr b tera hogaya…

Kitnay Tofan Uthaye Aankhon Nay ..

Kitnay Tofan Uthaye Aankhon Nay ..
Kashti Yadon Ki Doobti Hee Nahi…!! 

K Mujh main Sirf tu he to Basa Karta hai…

Kya Bataon Tujhe aur Kya Bataon Duniya ko….

K Mujh main Sirf tu he to Basa Karta hai…

Kasam Tootay Hovay Dil Ki Tumhain Khud Se Juda Ker Kay

Kasam Tootay Hovay Dil Ki Tumhain Khud Se Juda Ker Kay,,

Jahan Tak Hum Ne Daikha Hay Wahaaan Tak Tum Nazer Aaye…!