Abhi Kuch Aur Karishmey Ghazal Ke Dekhte Hain

Abhi Kuch Aur Karishmey Ghazal Ke Dekhte Hain
Faraz Ab Zara Lahjah Badal Ke Dekhte Hain

Judaaiyaan Toh Muqaddar Hain Phir Ay Jaan-E-Safar
Kuch Aur Door Zara Saath Chal Ke Dekhte Hain

Raah-E-Wafa Mein Heereef-E-Khiraam Koi Toh Ho
So Apne Aap Se Aage Nikal Ke Dekhte Hain

Tu Saamne Hai Toh Phir Kyun Yaqeen Nahiin Aata
Ye Baar Baar Jo Aankhon Ko Mull Ke Dekhte Hain

Ye Koun Log Maujood Hain Teri Mehfil Mein
Jo Laalachon Se Tujhe, Mujhko Jal Ke Dekhte Hain

Ye Qurb Kya Hai Ke Yakjaa Hue Na Door Hue
Hazaar Ek Hi Qaalib Mein Dhal Ke Dekhte Hain

Na Tujhko Maat Hui Na Mujhko Maat Hui
So Ab Ke Donon Hi Chaalein Badal Ke Dekhte Hain

Yeh Kaun Hain Sar-E-Saahil Ke Doobne Waale
Samandaron Ki Tahoon Se Uchal Ke Dekhte

Abhi Talak Toh Na Kundan Hue Na Raakh Hue
Hum Apni Aag Mein Har Roz Jal Ke Dekhte Hain

Bahut Dinon Se Nahi Hai Kuch Us Ki Khair Khabar
Chalo Faraaz Koo'Ay Yaar Chal Ke Dekhte Hain