Ajab taskeen milti hai mujhe

Aajab Taskeen Milte Ha Mujhay Tere Yaad Aane Se
Tere Yaad Main Sajun Chand Aansoo Bahane Se

So Jata Hai Dil Tere Yadoon Ka Choga Orh K
Bara Chain Milta Ha Mujhay Tere Muskarane Se

MFaasale Aise Bhii Honge Ye Kabhii Sochaa Na Thaa
Saamane Baithaa Thaa Mere Aur Vo Meraa Na Thaa

Vo Kisi Khushbuu Kii Tarah Phailaa Thaa Mere Chaar Suu
Main Use Mahasuus Kar Sakataa Thaa Chhuu Sakataa Na Thaa

Raat Bhar Us Kii Hii Aahat Kaan Me.N Aatii Rahii
Jhaank Kar Dekhaa Galii Mein Koi Bhii Aayaa Na Thaa

Aks To Maujuud The Par Aks Tanahaaii Ke The
Aainaa To Thaa Magar Us Mein Teraa Cheharaa Na Thaa

Aaj Us Ne Dard Bhii Apane Alahadaa Kar Diye
Aaj Main Royaa To Mere Saath Vo Royaa Na Thaa

Ye Sabhii Viiraaniyaan Us Ke Judaa Hone Se Thii.N
Aankh Dhundhalaai Huii Thii Shahar Dhundhalaayaa Na Thaa

Yaad Karake Aur Bhii Takaliif Hotii Thii "Adeem"
Bhuul Jaane Ke Sivaa Ab Koi Bhii Chaaraa Na Thaa