Chashm-e-mayagun zara idhar kar de
Dast-e-kudarat ko be-asar kar de
Tez hai aaj dard-e-dil saaqii
TalKhi-e-may ko tez-tar kar de
Josh-e-vahashat hai tishnaakaam abhii
Chaak-e-daaman ko taazagaar kar de
Merii qismat se khelane vaale
Mujh ko qismat se beKhabar kar de
LuT rahii hai merii mataa-e-niyaaz
Kaash! vo is taraf nazar kar de
`Faiz` takmiil-e-aarazuu maaluum
Ho sake to yun hee basar kar de
No comments:
Post a Comment