Haath uthaey hain magar lab pe duaa koi nahin Ki ibaadat bhi vo jis ki jazaa koi nahin Ye bhi vaqt aanaa thaa ab to khosh har aavaaz hai Aur mere barbaad-e-dil men sadaa koi nahin Aa ke ab taslim kar len tuu nahin to main sahi kaun mane gaa ke ham men bevafaa koi nahin Vaqt ne vo Khaak u.Daai hai ke dil ke dasht se Qaafile guzare hain phir bhi naqsh-e-paa koi nahin Khud ko yuun mahasuur kar baiThaa huun apani zaat men Manzilen chaaron taraf hai raastaa koi nahin Kaise raaston se chale aur kis jagah pahunche `Faraz` Yaa hujuum-e-dostaan thaa saath yahaan koi nahin | 
No comments:
Post a Comment