Main bhool jaon tumhain,ab yehi munasib hai

Main bhool jaon tumhain,ab yehi munasib hai
magar bhulana b chahoon to kis tarah bhoolon,
k tum to phir b haqeeqat ho koi khwab nahi
yahan to dil ka yeh aalam hai kya kahoon,
bhula saka na yeh wo silsila jo tha he nahi
woh ik khyal
jo awaz tak gaya he nahin
woh ek baat
jo main keh nahi saka tum sey
woh ek rabt
jo hum mein kabhi raha he nahi
,mujhey hai yaad woh sab jo kabhi huwa he nahi
Agar yeh haal hai dil ka to koi samjhaey
tumhain bhulana b chahoon to kis tarah bhoolon
k tum to phir b haqeeqat ho koi khwab nahi......