Muhabbaton ka pata chale ga

Hadood e Jaan Se Guzar Huwa To Muhabatoon Ka Pata Chaley Ga,
Muhabatoon ki Nazar Huwa To Muhabatoon Ka Pata Chaley Ga.

Abhi To Phirtey Ho Dostoon Me, Azeez Koi Juda nahi Hai,
Koi Idher Se Udher Huwa To Muhabatoon Ka Pata Chaley Ga.

Yeh Khushnaseebi Hai Shehar Bhar me Tumhara Dushman Nahi Hai Koi,
Kabhi Kisi Ka Jo Dar Huwa To Muhabatoon Ka Pata Chaley Ga.

Yeh Fasla Sa Abhi Talak Jo Hamarey Dono k Darmayaan Hai,
Yeh Fasla Mukhtasar Huwa To Muhabatoon Ka Pata Chaley Ga.

Abhi Muhabbat Nahi Hoi To Kuch Is Liye Muskura Rahey Ho,
Kisi Ki Bahoon Me Ghar Huwa To Muhabatoon Ka Pata Chaley Ga.

Muhabatoon Me To Patharoon Ko Bhe Moom Hotey Suna hai Lekin,
Tumharey Dil Pe Asar Huwa To Muhabatoon Ka Pata Chaley Ga.

Woh Jis ki Khatir Zamaney Bhar Ko Bana Rahey Ho Tum Apna Dushman,
Wohi Na Apna Ager Huwa To Muhabatoon Ka Pata Chaley Ga.

Badal Badal K Abhi To Chehrey Mayaar Apna Bana Rahey Ho,
Koi Na Hadd-e-Nazar Huwa To Muhabatoon Ka Pata Chaley Ga.

Yeh Kia Bicharna K Shaam Hotey He Apney Pyaroon me Lout Aana,
Kabhi Jo Lamba Safar Huwa To Muhabatoon Ka Pata Chaley Ga.