Ab Dil Ko Sambhalein K Gham-e-Dil Ko Sambhalein

Ab Dil Ko Sambhalein K Gham-e-Dil Ko Sambhalein
Fursat Nahi Itni B K Do Ashk Baha Lein

Be-Taab Ho Tum Bhi To Judai Mein Kisi Ki
Mumkin Ho To Aa Jao Shab-e-Hijr Mana Lein

Tum Or Karo Zulf-e-Pareshan Ko Pareshan
Hum Bhi Dil-e-Be-Taab Ko Diwana Bana Lein

Bethy Hain Is Andaaz Se Mey-Kaash Sar-e-Mehfil
'Saaqi' Ka Ishaara Ho To Sagar Ko Uchalein

Ay Ehl-e-Junon Aao k Veeran Hain Shab-o-Roz
Ujrri Hoi Mehfil Ko Phir Ik Baar Jama Lein.