Apne kal ko, bhi woh haaton se, nahin janey daita

Apne kal ko, bhi woh haaton se, nahin janey daita
Aur maazi ki bhi parchhain nahin parne daita

Mujh se ulfat ki, woh baatain to bohat karta hai
Lekin khud ko, kabhi hud se, nahin barhne daita

Dosti mujh se woh chahta to hai lekin phir bhi
Apne raazon ko kabhi, mujh pe nahin khulne daita

Pyar dil dil main woh mujh se to bohat karta hai
Us ka izhar magar, mujh pe nahin honay daita

Mujh se milne ki woh koshish to bohat karta hai
Lekin milne pe kabhi mehsoos nahin honay daita

Zindagi us ki bhi kat jati yunhi meri tarha
Lekin woh khud ko mohabbat nahin karne daita

Phool ka kam hai khushbo se chaman ko bharna
Aur kanton ko bhi bezaar nahin honay daita
Labels:

1 comment:

Subscribe to: Post Comments (Atom)
Facebook Like Box Widget