Mudat se yehi jan-e-ada soch raha hun

Mudat se yehi jan-e-ada soch raha hun,
Wo kese huwy mujhse juda soch raha hun

Shikwa nahi us se na khud se gila hai,
Ulfat mein kis se khata soch raha hun

Mur k nahi dekha tha alag baat hai lekin,
Jate huwy aayi thi jo sada soch raha hun

Ab us k siwa RAB se duaon mein kya maangon,
Agar hath uthay hain tou dua soch raha hun

Jis ne kabhi dunya mein such bol diya hai,
Kyun log huwy us se khafa soch raha hun.