Ye jo shafaf sa ik aks us jheel mein tha
Koi chehra tha magar chand ki tamseel mein tha
Yaad karta hun kahan bhool k aya hun usay
Aisa hi aks mri soch ki zambeel mein tha
Baat kya thi ye mujhe achi tarha yad nhi
Haan tra zikr b tha aur bri tafseel mein tha
Koi pegham tha ankhon mein,so ankhon mein rha
Masla asal to pegham ki tarseel mein tha
Is naye nuskhay mein tehreef hui hy warna
Zikr mra b kahin pyar ki injeel mein tha..
No comments:
Post a Comment