Ham Sans Bhi Laynay Kay Sazawaar Na Theray

Ham Sans Bhi Laynay Kay Sazawaar Na Theray
Mazi Kay Kharabay Ke Bhi Dewaar Na Theray


So Baar Dhoowa Phool Kay Seenay Say Utha Hai
Badal Kay Qdam Baag Main Ak Baar Na Theray


Yoon Meri Umeedoo Kay Mahal Ho Gay Mismaar
Jis Tarah Koee Ratt Ke Dewaar Na Theray



Pohcha, Naey Halaat Kay Dharay Pay Safina
Mumkin Hay Meray Hath Main Pitwaar Na Theray


Chenay Liyay Jate Hai Gulistaan Ke Hawaey
Ham Barg -e- Fasurda Kay Bhi Haqdaar Na Theray


Ay Waqt Douraan Ham Hain Teray Sath Abhi Tak
Theray Jo Kahi Ham Tera Maiyaar Na Theray



Halaat Kay Cheray Pay Damakte Hai Surkhi
Rasta Howa Khoon -e- Dil -e- Funkaar Na Theray


Ay Jalwa -e- Khamosh Teray Sheesh Mahal Per
Ak Saans Ke Dastak Bhi Kahi Baar Na Theray


Maskan Mera Is Rah -e- Hawadis Main Hai Nazish
Jis Hada -e- Pur Hool Main Kohsaar Na Theray