Sab se chupa ker dard, jo wo muskra diya,

Sab se chupa ker dard, jo wo muskra diya,
Us ki hansi ne to mujh ko rulla diya,

Lahje se uth reha tha her ik dard ka dhuwan,
Chehra bata reha tha ke kia kuch ganwa dia,

Awaz men thehrao tha, ankhoon men thi nami,
Our keh reha tha ke mene, sab kuch bhula diya,

Jane kia us ko theen logon se shikayateen,
Tanhayoon ke des men khud ko basa liya,

Khud bhi wo hum se bichar ker adhora sa hogaya,
Mujh ko bhi itne logoon men adhora bana diya